జగిత్యాల కేంద్రీయ విద్యాలయం వివాదం: MP అరవింద్, MLA సంజయ్ మధ్య వాదోపవాదాలు

జగిత్యాలకు మంజూరైన కేంద్రీయ విద్యాలయం నిర్మాణం స్థలం సమస్య వల్ల ఆలస్యమవుతోంది. దీనిపై నిజామాబాద్ MP అరవింద్ మరియు జగిత్యాల MLA సంజయ్ కుమార్ మధ్య పరస్పర ఆరోపణలు వెలువడ్డాయి.

MLA సంజయ్ కుమార్ స్థలం ఇవ్వడం ఆలస్యం చేస్తున్నారని, దాని వల్ల ఒక విద్యా సంవత్సరం వృథా అయిందని MP అరవింద్ ఆరోపించారు. స్థలం సాకు చూపి కేంద్రీయ విద్యాలయాన్ని జగిత్యాల నుండి తరలించే కుట్ర జరుగుతోందని MLA సంజయ్ కుమార్ కౌంటర్ ఇచ్చారు.

TR నగర్‌లో రోడ్డుకు 200 మీటర్ల దూరంలో స్థలం సిద్ధంగా ఉందని MP అరవింద్ పేర్కొన్నారు. మంచి స్థలం ఇచ్చి విద్యాలయం ఏర్పాటుకు సహకరించాలని ఆయన MLA ని కోరారు.

ఈ వివాదంపై జగిత్యాల MLA స్పందన నిచ్చారు. కేంద్రీయ విద్యాలయం స్వయం ప్రతిపత్తి సంస్థ అని, దానికి సలహా ఇచ్చే పరిస్థితిలో తాను లేనని సంజయ్ కుమార్ తెలిపారు.