ఉత్తర భారతంలో వరదలు: జమ్మూ-కశ్మీర్లో కొండచరియలు, అసోంలో భారీ వర్షాలు

జమ్మూ-కశ్మీర్, అసోం రాష్ట్రాల్లో భారీ వర్షాలు కొనసాగుతున్నాయి. జమ్మూ-కశ్మీర్లోని దొడా ప్రాంతంలో కురుస్తున్న వర్షాల కారణంగా పలు చోట్ల కొండచరియలు విరిగిపడుతున్నాయి. దీంతో వాహనాల రాకపోకలకు అంతరాయం ఏర్పడింది. ప్రజలు తీవ్ర ఇబ్బందులు ఎదుర్కొంటున్నారు.

అసోంలోనూ వర్షాలు దంచుకొడుతున్నాయి. భద్రాక్ ప్రాంతంలో వర్షాల ధాటికి ఓ మంత్రి నివాసంలోకి వరద నీరు చేరినట్లు సమాచారం. పూరి ప్రాంతంలో దయానది ఉప్పొంగి ప్రమాదకర స్థాయిలో ప్రవహిస్తోంది. దిగువ ప్రాంతాల ప్రజలను అధికారులు అప్రమత్తం చేసి, జాగ్రత్తగా ఉండాలని హెచ్చరికలు జారీ చేశారు.

వరదల ధాటికి పలు రోడ్లు కొట్టుకుపోగా, ఇళ్లలోకి నీరు చేరింది. అధికారులు ప్రభావిత ప్రాంతాలను నిరంతరం పర్యవేక్షిస్తూ, ముంపు ప్రాంతాల ప్రజలను సురక్షిత ప్రాంతాలకు తరలిస్తున్నారు. సహాయక కార్యక్రమాలు కొనసాగుతున్నాయి.