ఎన్విడియా ఆర్టీఎక్స్ స్పార్క్, వీరా సీపీయూతో పర్సనల్ కంప్యూటర్లలో ఏఐ ఏజెంట్లు

ఎన్విడియా సీఈఓ జెన్సన్ హువాంగ్ బుధవారం ఒక కొత్త తరం పర్సనల్ కంప్యూటర్‌ను ప్రకటించారు. ఇది NVIDIA RTX Spark మరియు Vera CPU అనే సొంత హార్డ్‌వేర్‌తో రూపొందించబడింది. ఈ కంప్యూటర్ స్థానికంగానే ఏఐ ఏజెంట్లను నడపగలదు. మైక్రోసాఫ్ట్‌తో కలిసి ప్రతి అప్లికేషన్‌ను ఆప్టిమైజ్ చేసినట్టు ఆయన వివరించారు. డిజిటల్ బయాలజీ, సీస్మిక్ ప్రాసెసింగ్, ఆస్ట్రోఫిజిక్స్, జీనోమిక్స్, కంప్యూటర్ గ్రాఫిక్స్ వంటి అన్ని రకాల సాఫ్ట్‌వేర్లను ఈ కంప్యూటర్ లోపలి హార్డ్‌వేర్ పూర్తిగా సపోర్ట్ చేస్తుంది. అంతేకాదు విండోస్ లో అందుబాటులో ఉన్న ప్రతి అప్లికేషన్ కూడా ఇందులో సజావుగా రన్ అవుతుంది. ఇప్పటివరకు ఇలాంటి టాస్కులు క్లౌడ్ సర్వర్ల ద్వారా మాత్రమే సాధ్యమయ్యేవి. ఇప్పుడు అవన్నీ ఒకే పర్సనల్ డివైజ్‌లో రన్ చేయొచ్చు. జెన్సన్ హువాంగ్ మాట్లాడుతూ, “ఇది నిజంగా అద్భుతమైన కంప్యూటర్, ఇది ప్రపంచంలో ఇప్పటివరకు సృష్టించిన ప్రతి అప్లికేషన్‌ను మాత్రమే కాకుండా ఏఐ ఏజెంట్లను కూడా రన్ చేస్తుంది” అని ప్రశంసించారు. NVIDIA-CUDA ఆర్కిటెక్చర్ ఆధారిత ఈ ప్లాట్‌ఫామ్ భౌతిక, జీవ, రసాయన శాస్త్ర అనుకరణలతో పాటు అన్ని జెన్-ఏఐ వర్క్‌లోడ్‌లను సమర్ధంగా నిర్వహిస్తుంది. దీని ఫలితంగా అధునాతన శాస్త్ర పరిశోధనలు, డేటా అనాలిసిస్, ఆటోమేటెడ్ టాస్కులు వినియోగదారుల వేలికొనలకు రానున్నాయి. ఈ ప్రకటన వల్ల పర్సనల్ కంప్యూటింగ్ రంగం కొత్త శకానికి అడుగుపెట్టనుంది.