సర్వం AI ప్రస్థానం: లామా సహకారం నుంచి వంద బిలియన్ పారామీటర్ భారతీయ AI మోడల్ వరకు

భారతీయ AI స్టార్టప్ సర్వం AI 4 వేల హాపర్ సిరీస్ GPU లతో స్వంతంగా వంద బిలియన్ పారామీటర్ పైగా ఉన్న భారీ AI మోడల్‌ను ప్రీ-ట్రైన్ చేసి విడుదల చేసింది. ఈ మోడల్ పూర్తిగా ఇండియాలో డెవలప్ చేసిన అతి పెద్ద AI మోడళ్లలో ఒకటిగా నిలిచింది. సంస్థ ఈ మేరకు పలు వాణిజ్య అప్‌డేట్లను కూడా ప్రకటించింది.

మూడేళ్ల క్రితం ప్రారంభమైన సర్వం AI, తొలుత లామా ఓపెన్ మోడల్‌పై ఆధారపడి పనిచేసింది. లామా 3 సిరీస్‌లో ఆసియా నుంచి సహకరించిన కొన్ని సంస్థల్లో ఇది ఒకటిగా నిలిచింది, భారతీయ భాషల్లో నైపుణ్యాన్ని జోడించడంలో కీలక పాత్ర పోషించింది. తొలిసారిగా భారత్‌కు వెయ్యి హాపర్ సిరీస్ GPU లు వచ్చినప్పుడు, ఇన్ఫోసిస్‌తో కలిసి 2 బిలియన్ పారామీటర్ల మోడల్‌ను మొదటి నుంచి ప్రీ-ట్రైన్ చేసి IT సేవల్లో ఉపయోగించారు.

ఆ తర్వాత రీన్ఫోర్స్మెంట్ లెర్నింగ్‌పై దృష్టి పెట్టిన సర్వం AI, మిస్ట్రల్ స్మాల్ మోడల్ పై ఆధారపడి ‘సరం ఎం’ (Saram M) అనే రీజనింగ్ మోడల్‌ను రూపొందించింది. మిస్ట్రల్ తరపున థింకింగ్ మోడల్ రూపొందించిన తొలి సంస్థ సర్వం AIయే. ఈ క్రమంలో మంచి డేటా గుర్తింపు, స్కేల్ వద్ద GPU నిర్వహణ, వివిధ అల్గారిథమ్లతో ఉత్పత్తులకు ఉపయోగపడే నమూనాల తయారీలో సంస్థ విస్తృత అనుభవాన్ని సంపాదించినట్లు సీనియర్ అధికారి తెలిపారు.