అసెంబ్లీ, పార్లమెంట్ లో ఓబీసీ రిజర్వేషన్లు: 1996 నుంచి ఏపీ, తెలంగాణ డిమాండ్

ఓబీసీలకు శాసనసభ, పార్లమెంట్ లో రిజర్వేషన్లు కల్పించాలని లోక్‌సభలో ఎంపీ రాయ్ గడ్ కృష్ణ డిమాండ్ చేశారు.

ఎస్సీ, ఎస్టీ, మహిళలకు శాసనసభల్లో రిజర్వేషన్లు ఉన్నా, ఓబీసీలకు విద్య, ఉద్యోగాల్లో మాత్రమే రిజర్వేషన్ ఇచ్చారని, రాజకీయ ప్రాతినిధ్యం నిరాకరించడం అన్యాయమని ఆయన పేర్కొన్నారు.

అనేక రాష్ట్రాల్లో ఓబీసీ ఎంపీలు లేరని, కుల వ్యవస్థపై ఆధారపడిన దేశంలో రాజకీయ అధికారం లేకుండా నిజమైన ప్రజాస్వామ్యం సాధ్యం కాదని రాయ్ గడ్ కృష్ణ వాదించారు.

1996 నుంచి అప్పటి అవిభక్త ఆంధ్రప్రదేశ్ ప్రభుత్వం, ఆ తర్వాత తెలంగాణ ప్రభుత్వం కూడా శాసనసభలో తీర్మానాలు చేసి, పార్లమెంట్ లో ఓబీసీ రిజర్వేషన్ల కోసం కేంద్రాన్ని కోరుతున్నాయి.

ఈ వాదనపై కేంద్ర ప్రభుత్వం స్పందన రావాల్సి ఉంది.