అనంతపురంలో ఆపరేషన్ క్లీన్ స్వీప్ ప్రారంభం — 30 రోజుల శుభ్రతా కార్యక్రమం

అనంతపురంలో MLA దగ్గుపాటి ప్రసాద్, జిల్లా కలెక్టర్ కలిసి ఆపరేషన్ క్లీన్ స్వీప్ కార్యక్రమాన్ని ప్రారంభించారు. ఇది స్వర్ణాంధ్ర-స్వచ్ఛాంధ్ర కార్యక్రమంలో భాగంగా చేపట్టారు.

ఈ కార్యక్రమం 30 రోజుల పాటు నాలుగు వారాల ప్రత్యేక ప్రణాళికతో నడుస్తుంది. రోడ్లు, డ్రైన్లు, మార్కెట్లను శుభ్రంగా తీర్చిదిద్దడం లక్ష్యమని MLA తెలిపారు.

ప్రతి మూడో శనివారం స్వచ్ఛాంధ్ర కార్యక్రమం నిర్వహిస్తున్నారు. చెత్త సేకరణకు నిర్దిష్ట సమయం నిర్ణయించి, సచివాలయం ద్వారా అవగాహన కల్పిస్తున్నారని కలెక్టర్ వెల్లడించారు.

ఒకటి రెండు రోజుల్లో ప్రతి వార్డులోనూ అవగాహన కార్యక్రమాలు నిర్వహిస్తారు. మున్సిపల్ సిబ్బందితో పాటు నగర ప్రజలు కూడా సహకరించాలని అభ్యర్థించారు.