కనిగిరిలో ఆపరేషన్ క్లీన్ స్వీప్: మంత్రి డోలా స్వయంగా చీపురు పట్టారు

ఆంధ్రప్రదేశ్‌లో పరిశుభ్రత కార్యక్రమంలో భాగంగా ప్రభుత్వం 'ఆపరేషన్ క్లీన్ స్వీప్' పేరుతో రాష్ట్రవ్యాప్తంగా నెల రోజుల కార్యక్రమాన్ని ప్రారంభించింది. మే 22 నుంచి జూన్ 20 వరకు ఈ కార్యక్రమం కొనసాగుతుంది.

ప్రకాశం జిల్లా కనిగిరిలో మంత్రి డోలాశ్రీ బాల వీరాంజనేయస్వామి, స్థానిక MLA ఉగ్ర నరసింహారెడ్డి ఈ కార్యక్రమంలో పాల్గొన్నారు. కనిగిరి RTC bus stand పరిసరాల్లో మంత్రి స్వయంగా చీపురు పట్టి శుభ్రం చేశారు.

డ్రైన్ క్లీనింగ్, రోడ్ల శుభ్రత, మూలమూలలా పేరుకుపోయిన చెత్తను తొలగించడం ఈ కార్యక్రమంలో ప్రధాన లక్ష్యాలని మంత్రి తెలిపారు. పట్టణాలతో పాటు గ్రామాలను కూడా ఈ కార్యక్రమంలో చేర్చారు.

గత 20 నెలల్లో ప్రతి నెల మూడో శనివారం 'స్వర్ణాంధ్ర స్వచ్ఛాంధ్ర' పేరుతో పరిశుభ్రత కార్యక్రమాలు నిర్వహించినట్లు మంత్రి పేర్కొన్నారు. జాతీయ స్థాయిలో ఐదు గ్రామాలకు ఉత్తమ పంచాయతీ గుర్తింపు వచ్చిందని కూడా ఆయన తెలిపారు.