విజయనగరంలో ఆపరేషన్ గజా ప్రారంభం; ఏనుగులను తరమేందుకు కుంకి ఏనుగులు

విజయనగరం జిల్లా బొబ్బిలి మండలంలో అటవీ శాఖ 'ఆపరేషన్ గజా' ప్రారంభించింది. రాముడువలస గ్రామ సమీపంలోని అడవి ఏనుగుల గుంపును తరమేందుకు అధికారులు కుంకి ఏనుగులను రంగంలోకి దింపారు.

చిత్తూరు జిల్లా నుంచి తెచ్చిన అభిమన్యు, జయంతి అనే రెండు కుంకి ఏనుగులను పార్వతీపురం మన్యం కుచ్మి ఏనుగుల క్యాంపు నుంచి తరలించారు. అభిమన్యు కుంకి ఏనుగును అప్పటికే అడవి ఏనుగుల గుంపులో కలిపేశారు. జయంతి మాత్రం లారీ ఎక్కేందుకు నిరాకరించడంతో, అటవీ సిబ్బంది నడిపించుకుంటూ రాముడువలస గ్రామానికి తీసుకొచ్చారు.

ఇంతవరకు జిల్లాలో కుంకి ఏనుగులు లేకపోవడంతో, ఈ కుంకి ఏనుగులను చూసి అడవి ఏనుగులు ఎలా స్పందిస్తాయో గమనిస్తున్నట్లు అటవీ అధికారులు తెలిపారు. కుంకి ఏనుగులకు అడవి ఏనుగులు మమేకమయ్యేంత వరకు వేచి చూస్తామని, తర్వాత వాటి సాయంతో మొత్తం గుంపును అటవీ లోపలికి తరలిస్తామని అన్నారు.