అమెరికాలో BJP విజయోత్సవ సభ — 600 మంది భారతీయ అమెరికన్లు హాజరు

న్యూజర్సీలోని ఎడిసన్ నగరంలో Overseas Friends of BJP USA విజయోత్సవ సభ నిర్వహించింది. పశ్చిమ బెంగాల్, అస్సాం, పుదుచ్చేరి రాష్ట్ర అసెంబ్లీ ఎన్నికల్లో BJP విజయం సందర్భంగా ఈ కార్యక్రమం జరిగింది.

ట్రై స్టేట్ ప్రాంతం నుండి 600 మందికి పైగా భారతీయ అమెరికన్లు హాజరయ్యారు. కార్యక్రమంలో MP మయాంక్ వినాయక్ virtual గా పాల్గొని ప్రసంగించారు.

OFBJP USA అధ్యక్షుడు డాక్టర్ అడప ప్రసాద్ మాట్లాడుతూ, భారతీయ జనసంఘ స్థాపకుడు డాక్టర్ శ్యాం ప్రసాద్ ముఖర్జీ 75వ వార్షికోత్సవం సందర్భంగా పశ్చిమ బెంగాల్‌లో BJP విజయం చారిత్రాత్మకమన్నారు. కేరళలో BJP ఓట్ల శాతం పెరిగిందని, రాబోయే ఎన్నికల్లో అక్కడ కూడా పార్టీ అధికారంలోకి వస్తుందని ఆయన అభిప్రాయపడ్డారు.

OFBJP USA ప్రధాన కార్యదర్శి వాసుదేవ్ పటేల్ పశ్చిమ బెంగాల్‌లో BJP విజయంతో ఆ రాష్ట్రం అభివృద్ధి పథంలో నడుస్తుందని పేర్కొన్నారు. మాజీ అధ్యక్షుడు విష్ణు రెడ్డి అనుగుల, పని దినమైనప్పటికీ 600 మందికి పైగా హాజరవడం ఆ విజయం ప్రాముఖ్యతను తెలుపుతుందన్నారు.

OFBJP USA తెలంగాణ chapter కన్వీనర్ విలాస్ రెడ్డి జంబుల తెలంగాణలో BJP ప్రభుత్వం వస్తే double engine సర్కార్ ద్వారా రాష్ట్రం అభివృద్ధి చెందుతుందని అన్నారు.