మరో వారం వర్షాలు లేకపోతే నారుమడులకు ముప్పు: ఎన్జీ రంగ విశ్వవిద్యాలయం ఉపకులపతి

మరో వారం రోజుల్లో వర్షాలు కురవకపోతే నారుమడులు తీవ్రంగా దెబ్బతింటాయని ఎన్జీ రంగ వ్యవసాయ విశ్వవిద్యాలయం ఉపకులపతి డాక్టర్ సత్యనారాయణ హెచ్చరించారు. శ్రీకాకుళం జిల్లా బూరగాం గ్రామంలో 'పొలం పిలుస్తోంది' కార్యక్రమంలో ఆయన మాట్లాడారు.

ఇచ్చాపురం నియోజకవర్గ పరిధిలో 5,200 ఎకరాల్లో వెద పద్ధతిలో వరి సాగు చేశారు. అయితే, ఎల్నినో ప్రభావంతో వీటిలో చాలా వరకు ఎండిపోయే దశకు చేరుకున్నాయని రైతులు శాస్త్రవేత్తలకు నివేదించారు. జూలై నెలాఖరు నాటికి జిల్లాలో 144 మిల్లీమీటర్ల (18 సెం.మీ.) వర్షం పడాల్సి ఉండగా, ఇప్పటివరకు కేవలం 50 మి.మీ. మాత్రమే నమోదైంది. ఫలితంగా 40 నుంచి 70 శాతం మేర వర్షపాతం లోటు కనిపించింది.

వాతావరణంలో చోటుచేసుకున్న అసాధారణ మార్పుల కారణంగా సముద్రపు గాలులు వేడెక్కాయని డాక్టర్ సత్యనారాయణ వివరించారు. మే నెల నుంచే సూపర్ ఎల్నినో ప్రభావంతో ఈ సంవత్సరం వర్షాభావం ఉంటుందని తాము హెచ్చరిస్తున్నట్లు తెలిపారు. రైతులు ఈ పరిస్థితుల్లో ఆచి తూచి పంటలు వేయాలని, ఏ ప్రాంతానికి ఏ పంట అనుకూలమో సూచనలు ఇచ్చామన్నారు. రానున్న వారం రోజుల్లో మంచి వర్షాలు పడతాయని ఆశ ఉందని ఆయన తెలిపారు.