మంచిర్యాల జిల్లాలో ధాన్యం కొనుగోలు కేంద్రాల వద్ద రైతుల నిరీక్షణ

మంచిర్యాల జిల్లాలో ధాన్యం కొనుగోలు కేంద్రాల వద్ద రైతులు, లారీ డ్రైవర్లు మూడున్నర రోజులకు పైగా వేచి ఉన్నారు. వందలాది లారీలు, ట్రాక్టర్లు హైవే రోడ్డుపై అన్‌లోడ్ కాకుండా నిలిచిపోయాయి.

చెన్నూరు నియోజకవర్గంలో 90 శాతం ధాన్యం ఇంకా కొనుగోలు కేంద్రాల దగ్గరే ఉందని రైతులు తెలిపారు. గోదాముల వద్ద హమాలీల కొరత వల్ల అన్‌లోడ్ ఆలస్యమవుతోందని వారు పేర్కొన్నారు. హమాలీ ఖర్చులు తాము భరించాల్సి వస్తోందని కూడా రైతులు చెప్పారు.

ట్రాక్టర్లు గోదాం వద్దకు చేరిన తర్వాత అధికారులు మళ్లీ తేమ శాతం పరిశీలించి అన్‌లోడ్ చేయాల్సి ఉంటుందని తెలిసింది. ఈ ప్రక్రియ పూర్తయ్యే వరకు రైతులు వాహనాలతో అక్కడే వేచి ఉండాల్సి వస్తోంది.

మునుపటి సీజన్ స్టాక్ ఇంకా rice mill లో ఉండడం వల్ల కొత్త ధాన్యానికి గోదాముల్లో స్థలం లేదని మిల్లర్లు చెప్తున్నారు. వర్షాలు సమీపిస్తున్నందున ధాన్యం నష్టపోతుందని రైతులు ఆందోళన వ్యక్తం చేస్తున్నారు. స్థానిక అధికారులు ఇప్పటి వరకు ఒక్క review meeting కూడా నిర్వహించలేదని రైతులు ఆరోపిస్తున్నారు.

ఈ విషయంపై జిల్లా యంత్రాంగం మరియు సంబంధిత అధికారుల స్పందన తెలియాల్సి ఉంది.