వరి కొయ్యలు కాలిస్తే ₹5,000 నుంచి ₹25,000 జరిమానా, జైలు శిక్ష: పెద్దపల్లి జిల్లా అధికారుల చాటింపు

పెద్దపల్లి జిల్లా సుల్తానాబాద్ మండలంలో వరి కొయ్యలు కాల్చడంపై అధికారులు కఠిన చర్యలు ప్రకటించారు.

కొయ్యలు కాలిస్తే ₹5,000 నుంచి ₹25,000 వరకు జరిమానా విధిస్తామని, పదేపదే చేస్తే జైలు శిక్ష పడుతుందని హెచ్చరించారు. గ్రామాల్లో డప్పు కొట్టి చాటింపు వేయించారు. వరి కొయ్యలకు అగ్గి తగిలిస్తే ₹50,000 జరిమానా, జైలు శిక్ష పడుతుందని దండోర వేయించారు.

కొయ్యలు కాల్చడం వల్ల భూసారం తగ్గుతుంది, పర్యావరణానికి హాని కలుగుతుంది, రైతుల ప్రాణాలకు ముప్పు ఏర్పడుతుందని అధికారులు తెలిపారు. సుల్తానాబాద్ మండలంలో ఇటీవల ఇలాంటి ఘటనల్లో ఇద్దరు రైతులు అగ్ని ప్రమాదాల్లో మరణించారు.

ఈ నేపథ్యంలో రైతులకు అవగాహన కల్పించేందుకు అధికారులు రంగంలోకి దిగారు. వరి కొయ్యలను కాల్చకుండా సేంద్రియ ఎరువుగా మార్చే పద్ధతులను ప్రోత్సహిస్తున్నట్లు చెప్పారు.