హనుమకొండ జిల్లాలో పెరుగుతున్న ధాన్యం చోరీలు; రైతుల ఆందోళన

హనుమకొండ జిల్లాలో ధాన్యం చోరీ ఘటనలు పెరుగుతున్నాయి. గత వారం రోజుల్లో పలు గ్రామాల్లో రైతులు ఎండబెట్టిన, కొనుగోలు కేంద్రాల వద్ద నిల్వ చేసిన ధాన్యం బస్తాలు అపహరణకు గురయ్యాయి.

కమలాపూర్ మండలం గూనిపర్తి గ్రామంలో మే 21న తిరుపతి మిరుపటి శ్రీనివాస్ రైతుకు చెందిన 12.5 క్వింటాల ధాన్యం, అదే గ్రామంలో మే 22న నందం సాయిలు రైతుకు చెందిన 21 క్వింటాల ధాన్యం దొంగలు ఎత్తుకెళ్లారు. దామోదర మండలం సింగరాజుపల్లి కొనుగోలు కేంద్రం వద్ద సాంబయ్య మల్లికాంబ రైతు ధాన్యం 31 క్వింటాలు మే 23న చోరీకి గురైంది.

లాదర్ల గ్రామంలో రాజు రైతు 29 బస్తాలు, ఆయన సోదరి జ్యోతి 17 బస్తాలు దొంగతనానికి గురవగా, పులికుర్తి గ్రామంలో రహదారి పక్కన ఎండబెట్టిన సారయ్య, రాజయ్య రైతుల ధాన్యం 21 క్వింటాలు మే 27న ఎత్తుకెళ్లారు. మరో రైతు 37 బస్తాలు, ఆయన పక్కింటి మల్లికాంబ 17 బస్తాలు కూడా చోరీ అయినట్టు బాధితులు తెలిపారు.

వరుస చోరీలతో ఆందోళన చెందిన రైతులు దామేర పోలీస్‌స్టేషన్‌లో ఫిర్యాదు చేశారు. కొనుగోలు కేంద్రాల వద్ద రాత్రివేళ పెట్రోలింగ్ పెంచాలని, దొంగలను పట్టుకోవాలని రైతులు డిమాండ్ చేస్తున్నారు. పోలీసులు స్పందించి నిఘా చర్యలు చేపడతామని బాధితులు ఆశాభావం వ్యక్తం చేస్తున్నారు.