ఉత్తర తెలంగాణలో కరీఫ్‌కు వరి రకాలు, సాగు మెళకువలు

ఉత్తర తెలంగాణ జిల్లాల్లో కరీఫ్ సీజన్‌లో వరి సాగు చేసే రైతులకు వ్యవసాయ శాస్త్రవేత్తలు సూచనలు చేశారు.

ఎల్‌నినో ప్రభావం ఉండే అవకాశం ఉండటంతో అప్రమత్తంగా ఉండాలని, సరైన రకాల ఎంపికతో పాటు నారు పోసే సమయాన్ని పాటించాలని సూచించారు. మూడు కాల పరిమితులు కలిగిన రకాలు అందుబాటులో ఉన్నాయి.

దీర్ఘకాలిక రకాలను మే చివరి నుంచి జూన్ 15-20 లోపు నారు పోసుకోవాలి. ఇందులో ఈబిపిటీ-52004 (సన్న రకం, ఎకరాకు 24-26 క్వింటాళ్లు), స్వర్ణ (ముతక రకం, 26-28 క్వింటాళ్లు), సిద్ధి రకాలను వేసుకోవచ్చు.

మధ్యకాలిక రకాలను జూలై 10-20 వరకు నారు పోసుకోవచ్చు. జెజల్ 384, జెజల్ 3828, ప్రాణహిత, జెజల్ 32100, ఆర్ఎన్ఆర్ 11718, భద్రకాళి వంటి రకాలు ఈ కోవలోకి వస్తాయి.

స్వల్పకాలిక రకాలు 115-125 రోజుల్లో పంట చేతికి వస్తాయి. వీటికి జూలై చివరి వరకు నారు పోసుకోవచ్చు. తెలంగాణ సోనా, ఈడబ్ల్యు 962, కేఎన్ఎమ్ 1638, కేఎన్ఎమ్ 733, జల్లు 27356 వంటి రకాలు సన్నగింజ, ఎకరాకు 26-30 క్వింటాళ్ల దిగుబడి ఇస్తాయి. దొడ్డు గింజ రకాలైన కేఎన్ఎ 118, జెజ 28639 ల నుంచి 32-34 క్వింటాళ్లు పొందవచ్చు.

లేట్‌గా నారు పోసే రైతులు స్వల్పకాలిక రకాలనే ఎంచుకోవాలి. వర్షాలు ఆలస్యంగా వస్తే నారు పోసే సమయం మార్చుకోవాలని, ఎల్‌నినో ప్రభావంతో చలికి పూత దశ కాని సమయంలో వచ్చే అవకాశం ఉన్నందున నిర్ణీత తేదీల్లోనే నారు వేయాలని శాస్త్రవేత్త డాక్టర్ శ్రీనివాస్ సూచించారు.