పాడేరు: టెట్ పరీక్షల సందర్భంగా ఆగస్టు 7-9 బంద్‌లకు అనుమతి లేదని పోలీసుల హెచ్చరిక

పాడేరు డీఎస్పీ శనివారం ప్రకటన విడుదల చేశారు. ఆగస్టు 7, 8, 9 తేదీల్లో బంద్‌లు, ర్యాలీలకు పోలీసులు ఎటువంటి అనుమతి ఇవ్వలేదని స్పష్టం చేశారు.

ప్రస్తుతం టెట్ పరీక్షలు ఆగస్టు 5 నుంచి 21 వరకు జరుగుతున్నాయి. స్కూళ్లు కూడా నడుస్తున్నాయి. ఈ సమయంలో బంద్ పేరుతో స్కూల్ విద్యార్థులు, టెట్ అభ్యర్థులు, స్కూల్ బస్సులకు ఆటంకం కలిగిస్తే కఠిన చట్టపరమైన చర్యలు తీసుకుంటామని డీఎస్పీ హెచ్చరించారు.

ఇటీవలే సంబంధిత మంత్రి, ప్రజా సంఘాలతో చర్చించిన తర్వాత సమస్యల పరిష్కారానికి హై పవర్ కమిటీ ఏర్పాటు చేశారు. కమిటీ పని పూర్తయ్యాక ప్రభుత్వంతో చర్చలు జరుపుతుందని డీఎస్పీ తెలిపారు. ప్రజలెవరూ బంద్‌కు మద్దతు ఇవ్వకుండా ఉండాలని కోరారు.