రాష్ట్రపతి భవన్‌లో పద్మ అవార్డుల ప్రదానోత్సవం — ఆరుగురు తెలుగు ప్రముఖులకు పురస్కారాలు

రాష్ట్రపతి ద్రౌపది మురుమూ రాష్ట్రపతి భవన్‌లో పద్మ అవార్డులు అందజేశారు. ప్రధాని నరేంద్ర మోదీ, హోం మంత్రి అమిత్ షా సహా కేంద్ర మంత్రులు ఈ కార్యక్రమానికి హాజరయ్యారు.

తొలి విడతలో 66 మందికి అవార్డులు అందజేశారు. ఇద్దరికి పద్మ విభూషణ్, ఆరుగురికి పద్మ భూషణ్, 58 మందికి పద్మ శ్రీ అవార్డులు అందించారు.

దివంగత నటుడు ధర్మేంద్రకు పద్మ విభూషణ్ ప్రకటించారు. ఆ అవార్డును ఆయన భార్య, నటి హేమ మాలిని స్వీకరించారు. సంగీత విభాగంలో ఎన్. రాజంకు కూడా పద్మ విభూషణ్ అందించారు.

ఆరుగురు తెలుగు ప్రముఖులకు పద్మ శ్రీ అవార్డులు లభించాయి. దివంగత గరిమెళ్ళ బాలకృష్ణ, డాక్టర్ గూడూరు వెంకట్రావ్, కూచిపూడి నృత్యకారిణి దీపిక రెడ్డి, డాక్టర్ పి. విజయ్, వెంపటి కుటుంబ శాస్త్రి వీరిలో ఉన్నారు.

ఉత్తరాఖండ్ మాజీ CM భగత్ సింగ్ కోశ్యారి, వైద్యుడు కల్లిపట్టి రామస్వామి పళనిస్వామి, Kotak Mahindra Bank వ్యవస్థాపకుడు ఉదయ కోటక్, మహిళా క్రికెట్ జట్టు మాజీ సారథి హర్మన్‌ప్రీత్ కౌర్ కూడా ఈ పురస్కారాలు అందుకున్నారు.

గణతంత్ర దినోత్సవం సందర్భంగా కేంద్రం మొత్తం 131 మందిని పద్మ పురస్కారాలకు ఎంపిక చేసింది. తొలి విడతలో 66 మందికి అందజేయగా, మిగిలిన వారికి రెండో విడత కార్యక్రమంలో అవార్డులు అందజేస్తారు.