నెల్లూరు జిల్లా ఆర్మీ జవాన్ పగడాల రవి 18 రోజులుగా అదృశ్యం

నెల్లూరు జిల్లా వరికుంటపాడు మండలంలోని తోటల చెరువుపల్లి గ్రామానికి చెందిన ఆర్మీ జవాన్ పగడాల రవి 18 రోజులుగా మిస్సింగ్ కావడం కలకలం రేపింది.

ఆర్మీలో 18 ఏళ్లుగా పనిచేస్తున్న రవి, పోస్టింగ్ రద్దు కావడంతో జూలై 19న ఇంటికి బయలుదేరారు. ట్రైన్ ఎక్కేటప్పుడు భార్యతో మాట్లాడారు. అనంతరం పశ్చిమ బెంగాల్‌లోని కరక్పూర్ రైల్వే స్టేషన్‌లో రైలు దిగినట్లు సీసీటీవీలో రికార్డయ్యింది. అప్పటి నుంచి ఆయన ఇంటికి చేరుకోలేదు.

రవి భార్య తెలిపిన వివరాల ప్రకారం, జూలై 19న ముందు రోజు ట్రైన్ మిస్ అయ్యింది. ఫోన్ ద్వారా సంప్రదించిన మూడు రోజుల తర్వాత ఫోన్ స్విచ్ ఆఫ్ అయ్యింది. కుటుంబ సభ్యులు పోలీసులకు ఫిర్యాదు చేశారు.

స్థానిక పోలీసులు దర్యాప్తు ప్రారంభించారు. ప్రభుత్వం ప్రత్యేక గాలింపు చర్యలు చేపట్టాలని బాధిత కుటుంబం విజ్ఞప్తి చేస్తోంది. రవి ఆచూకీ కోసం అన్ని వర్గాల సహకారం కోరుతున్నారు.