పాకిస్తాన్ నుంచి ఫేక్ న్యూస్: 400కు పైగా హ్యాండిల్స్ బ్లాక్

దిల్లీ సెంట్రల్ డీసీపీ రోహిత్ సింగ్ ఒక ఫేక్ న్యూస్ ప్రచారంపై అలర్ట్ చేశారు. ప్రదర్శనలకు సంబంధించి పాకిస్తాన్ నుంచి కొన్ని సోషల్ మీడియా హ్యాండిల్స్ ఫేక్ వీడియోలు, తప్పుడు కంటెంట్ షేర్ చేస్తున్నాయని ఆయన వివరాలు ఇచ్చారు.

దిల్లీ పోలీసులు, సంబంధిత ఏజెన్సీలతో కలిసి ఇప్పటివరకు 400కు పైగా ఇలాంటి హ్యాండిల్స్ను గుర్తించి బ్లాక్ చేశారు. ఈ హ్యాండిల్స్ AI జనరేటెడ్ కంటెంట్, డీప్ఫేక్ వీడియోలు, ఎడిటెడ్ ఫోటోలు, ప్రదర్శనలపై అబద్ధపు సమాచారం పోస్ట్ చేశాయి.

ఇదే క్రమంలో ‘ఆపరేషన్ సిందూర్’ సమయంలో కూడా కొన్ని హ్యాండిల్స్ ఫేక్ ఇన్ఫర్మేషన్ ప్రచారంలో చురుగ్గా పాల్గొన్నాయని పోలీసులు గుర్తించారు. వీటిలో కొన్ని హ్యాండిల్స్ సీనియర్ అధికారుల అధికారిక ప్రకటనలను ఎడిట్ చేసి, విజువల్స్‌ను మార్చి ప్రజలను తప్పుదోవ పట్టించే ప్రయత్నం చేశాయి.

డీసీపీ రోహిత్ సింగ్ ప్రజలకు విజ్ఞప్తి చేస్తూ, సోషల్ మీడియాలో వచ్చే ఫేక్ వీడియోలను షేర్ చేయొద్దని కోరారు. ప్రస్తుతం ఇలాంటి మరిన్ని అకౌంట్లను గుర్తించే పనిలో దిల్లీ పోలీసులు నిమగ్నమై ఉన్నారు.