పాలకొల్లులో అక్వా రైతుల ధర్నా — రొయ్యల ధర కేజీకి ₹30-40 తగ్గింపుపై నిరసన

పాలకొల్లులో శ్రీరామ ఆక్వా రైతు సంఘం ఆధ్వర్యంలో నేడు ధర్నా జరిగింది. రొయ్యల ధరను కేజీకి ₹30 నుండి ₹40 వరకు తగ్గించడంపై రైతులు తీవ్ర అసంతృప్తి వ్యక్తం చేస్తున్నారు.

ఆచంట, పాలకొల్లు, నరసాపురం నియోజకవర్గాల నుండి రైతులు పాలకొల్లులోని వై-జంక్షన్ వద్దకు ఉదయం 9 గంటల నుండి తరలివచ్చారు. సంఘం అధ్యక్షుడు గొట్టుముక్కల గాంధీ భగవాన్ రాజు నేతృత్వంలో నిరసన కార్యక్రమం జరిగింది.

ఆంధ్రప్రదేశ్‌లో దాదాపు 4 లక్షల ఎకరాల్లో రొయ్యల సాగు జరుగుతోంది. export మరియు processing plant వ్యాపారస్తులు సిండికేట్‌గా మారి ధరలు తగ్గిస్తున్నారని రైతులు ఆరోపిస్తున్నారు.

గత రెండు నెలలుగా నిరసనలు కొనసాగుతున్నాయి. ఇంతకుముందు export సంస్థలు 10 రోజులకు ఒకసారి ధర నిర్ణయించి రైతులకు message ద్వారా తెలియజేస్తామని ప్రకటించాయి. అయితే ఆ హామీ అమలు కావడం లేదని రైతులు చెప్తున్నారు.

జనవరి నుండి feed రేట్ల పెంపు, Trump సుంకాల ప్రభావంతో పాటు ధర తగ్గింపు వంటి సమస్యలు కొనసాగుతున్నాయని రైతులు పేర్కొన్నారు. మంత్రులు రొయ్య రైతులకు సహాయం చేస్తామని చెప్పినా, ప్రభుత్వం జోక్యం సరిగా జరగడం లేదని నిరసనకారులు అంటున్నారు.

ఈ విషయంపై ప్రభుత్వం అధికారిక స్పందన తెలియాల్సి ఉంది.