పల్నాడు: గురిజాల ఎమ్మెల్యే ఎరపతినేని శ్రీనివాసరావు సాయంతో విద్యార్థి చదువు ముందుకు

పల్నాడు జిల్లా గురిజాల ఎమ్మెల్యే ఎరపతినేని శ్రీనివాసరావు ఆధ్వర్యంలో తహసీల్దార్ కార్యాలయంలో రెవెన్యూ సదస్సు జరిగింది.

ఈ సదస్సుకు గోవిందాపురం గ్రామానికి చెందిన పోతిరాజు వెంకటేశ్వర్ హాజరై, తన కుటుంబ ఆర్థిక ఇబ్బందులను ఎమ్మెల్యేకు వివరించారు. తన మనవరాలి చదువు కోసం ఫీజులు చెల్లించలేని పరిస్థితి ఉందని, ఆయన ఆవేదన వ్యక్తం చేశారు.

ఈ విషయాన్ని గమనించిన ఎమ్మెల్యే వెంటనే స్పందించారు. విద్యార్థి చదువు మధ్యలో ఆగిపోకుండా ఆర్థిక సాయం అందిస్తానని హామీ ఇచ్చారు. అనంతరం ఎమ్మెల్యే స్వయంగా వెంకటేశ్వర్ ఇంటికి వెళ్లి, కుటుంబ సభ్యులను పరామర్శించారు. వారికి రూ.50,000 నగదు, నూతన వస్త్రాలు, పండ్లు అందించారు. మనవరాలి చదువు కోసం రూ.3,00,000 ఆర్థిక సహాయం కూడా అందిస్తానని స్పష్టం చేశారు.

దీంతో మొత్తం రూ.3,67,000 విలువైన సాయం లభించినట్లు ఆ కుటుంబం తెలిపింది. పేదరికం కారణంగా విద్యార్థి చదువు ఆగిపోకూడదనే ఉద్దేశంతో ఎమ్మెల్యే ఈ నిర్ణయం తీసుకున్నారని వారు కృతజ్ఞతలు చెప్పారు.