పండు మాస్టర్ ప్రమాదం: తుంటి కీలు తొలగింపు, రెండు కాళ్ల విరిగిపోవడం; కోలుకోడానికి 6 నెలలు పడుతోంది

ప్రముఖ టాలీవుడ్ డ్యాన్స్ మాస్టర్ పండు మాస్టర్ రహదారి ప్రమాదంలో తీవ్రంగా గాయపడ్డారు. నిన్న రాత్రి 1:30-2:00 గంటల సమయంలో ఆయన ప్రయాణిస్తున్న కారును వెనుక నుంచి లారీ ఢీకొనడంతో ఈ ప్రమాదం జరిగింది.

మెడికోవర్ హాస్పిటల్ వైద్యులు తెలిపిన వివరాల ప్రకారం, పండు మాస్టర్‌కు ఎడమ తుంటి కీలు (హిప్ జాయింట్) తొలగిపోయింది. అలాగే రెండు కాళ్ల మోకాళ్ల కింది భాగంలో (టిబియా ఎముక) విరిగిపోయాయి. ఆయన తలకు కూడా గాయం అయినప్పటికీ పరిస్థితి స్థిరంగా ఉన్నట్లు వైద్యులు తెలిపారు. ప్రాణాపాయం లేదని ధైర్యం చెప్పారు.

అత్యవసర చికిత్సలో భాగంగా తుంటి కీలును సరిచేశారు. రెండు కాళ్లకు శస్త్రచికిత్సలు ఇవాళ సాయంత్రం లోపు జరుగుతాయని వైద్యులు తెలిపారు. ఎముకలను స్థిరపరచడానికి స్టీల్ రాడ్లు అమరుస్తారు.

కోలుకోవడానికి మూడు వారాలపాటు బెడ్ రెస్ట్, ఆ తర్వాత ఫిజియోథెరపీ అవసరం అవుతుందని వైద్యులు తెలిపారు. పూర్తిగా కోలుకుని మళ్లీ డ్యాన్స్ చేయడానికి ఆరు నెలల సమయం పడుతుందని చెప్పారు. ముఖంపై చిన్న గాయాలకు ప్లాస్టిక్ సర్జరీ కూడా చేస్తున్నట్లు తెలిపారు. ప్రస్తుతం పండు మాస్టర్ స్థిరంగా ఉన్నారు.