పార్వతీపురం మన్యంలో మలేరియా: 25 మందికి జ్వరాలు, 10 మంది మలేరియా బాధితులు

పార్వతీపురం మన్యం జిల్లా పాచిపెంట మండలంలోని తాడి వలస, జీలక వలస గ్రామాల్లో మలేరియా వ్యాప్తి చెందింది. 25 మంది జ్వరంతో బాధపడుతున్నారు. ఇందులో 10 మందిలో మలేరియా నిర్ధారణ అయ్యింది. వీరు చికిత్స పొందుతున్నారు. మిగిలిన 15 మంది సాలూరు ప్రాంతీయ ఆసుపత్రిలో చికిత్స పొందుతున్నారు.

జ్వరాలను అదుపు చేయడానికి వారం రోజుల క్రితం గురునాయుడుపేట ప్రాథమిక ఆరోగ్య కేంద్రం సిబ్బంది ప్రత్యేక వైద్య శిబిరం నిర్వహించారు. అయినప్పటికీ ఇప్పటికీ జ్వరాలు తగ్గలేదు. గ్రామాల్లో కలుషిత గెడ్డ నీటిని తాగడం వల్లే జ్వరాలు వస్తున్నాయని వైద్యులు చెబుతున్నారు. బోర్లు ఉన్నప్పటికీ, సింగిల్ ఫేజ్ విద్యుత్ సరఫరా కారణంగా మోటార్లు పనిచేయడం లేదు. దీంతో స్వచ్ఛమైన తాగునీటి కొరత ఏర్పడింది.

గ్రామస్తులు జ్వరాల బారిన పడకుండా స్వచ్ఛమైన నీటి కోసం అధికారులను విజ్ఞప్తి చేస్తున్నారు. దీనిపై అధికారులు ఇంకా స్పందించలేదు.