12 ఏళ్లుగా దీపాలు లేని పాసర్లపూడి వంతెన: గ్రామస్తుల కొవ్వొత్తుల ర్యాలీ

డాక్టర్ బీఆర్ అంబేద్కర్ కోనసీమ జిల్లా మామిడికుదురు మండలంలో పాసర్లపూడి, బాడస్కుర్రు గ్రామాల మధ్య వైనతయ్య నదిపై నిర్మించిన వంతెనపై 12 ఏళ్లుగా వీధి దీపాలు లేవు.

రాత్రిపూట వంతెనపై చీకటి ఆవరించి ఉండటంతో వాహనదారులు, నడిచే వారు తీవ్ర ఇబ్బందులు పడుతున్నారు. దీపాలు లేకపోవడం వల్ల ఇప్పటివరకు అనేక రోడ్డు ప్రమాదాలు జరిగి ప్రాణనష్టం కూడా సంభవించింది.

చీకటిని ఆసరాగా తీసుకుని అసాంఘిక శక్తులు వంతెనపై రెచ్చిపోతున్నాయని, కొందరు అక్కడ గంజాయి సేవిస్తున్నారని గ్రామస్తులు ఆరోపిస్తున్నారు.

వంతెనపై తక్షణం విద్యుత్ దీపాలు ఏర్పాటు చేయాలని డిమాండ్ చేస్తూ గ్రామస్తులు కొవ్వొత్తుల ర్యాలీ చేపట్టారు. స్థానిక ప్రజాప్రతినిధులు, అధికారులు ఈ విషయంపై దృష్టి సారించాలని విజ్ఞప్తి చేశారు.