పవన్ కళ్యాణ్, అన్నా లెజ్నెవా విడిపోతున్నట్లు సంయుక్త ప్రకటన

తమ వైవాహిక బంధాన్ని ముగించుకోవాలని నిర్ణయించుకున్నట్లు డిప్యూటీ సీఎం పవన్ కళ్యాణ్, అన్నా లెజ్నెవా సంయుక్త ప్రకటన విడుదల చేశారు.

పరస్పర అవగాహన, గౌరవంతో విడిపోవాలని ఇద్దరూ నిర్ణయించుకున్నారని ప్రకటనలో తెలిపారు. జీవితంలో ఒక ముఖ్యమైన భాగాన్ని కలిసి గడిపిన తర్వాత ఈ నిర్ణయం తీసుకున్నామని పేర్కొన్నారు.

వివాహం ముగిసినా మంచి స్నేహితులుగానే కొనసాగుతామని వారు చెప్పారు. పిల్లలకు బాధ్యతతో కూడిన తల్లిదండ్రులుగా ఉంటామని స్పష్టం చేశారు. పిల్లల సంతోషం, శ్రేయస్సే తమ ఇద్దరికీ ఎప్పుడూ ప్రధానమని తెలిపారు.

ఈ వ్యక్తిగత మార్పు సమయంలో తమ పరిస్థితిని అర్థం చేసుకోవాలని, వ్యక్తిగత గోప్యతను గౌరవించాలని బంధువులు, అభిమానులను కోరారు. తమకు అండగా నిలిచిన ప్రతి ఒక్కరికీ కృతజ్ఞతలు తెలిపారు. ఇద్దరి పేర్లతో ఉన్న ఈ ప్రకటన సోమవారం రాత్రి నుంచి సోషల్ మీడియాలో చక్కర్లు కొడుతోంది.