తిరుమలలో పవన్ కల్యాణ్ పుస్తక ప్రదర్శనపై వివాదం

తిరుమల శ్రీవారి ఆలయం ఎదురుగా ఉన్న అఖిలాండం వద్ద కొందరు జనసేన కార్యకర్తలు ‘పవన్ కల్యాణ్ అనే నేను’ పుస్తకాన్ని ప్రదర్శించారు. ఈ సందర్భంగా వీడియో తీసి రీల్ చేయడంతో టీటీడీ నిబంధనల ఉల్లంఘన జరిగిందని ఆరోపిస్తున్నారు.

తిరుమలలో ఎలాంటి రాజకీయ ప్రచారం, ప్రదర్శనలు చేయకూడదన్న నిబంధనలు ఉన్నాయి. ఈ ఘటనపై భక్తులు, హిందూ సంఘాలు ఫిర్యాదు చేయగా, టీటీడీ అధికారులు సీసీటీవీ ఫుటేజీని స్వాధీనం చేసుకున్నారు. తిరుమల పోలీసులు దర్యాప్తు ప్రారంభించారు.

కార్యకర్తలు తమకు నిబంధనల గురించి తెలియదని చెప్పినట్లు సమాచారం. సోషల్ మీడియాలో వైరల్ అయిన వీడియోలను తర్వాత బ్లాక్ చేశారు. ఇలాంటివి పునరావృతం కాకుండా చర్యలు తీసుకుంటామని విజిలెన్స్ అధికారులు తెలిపారు.