ఢిల్లీలో జనసేన సమావేశం: పవన్ కల్యాణ్ వివరణ

పవన్ కల్యాణ్ మాట్లాడుతూ, పార్టీ నాయకులకు దేశ రాజధాని ఢిల్లీ ప్రాధాన్యత అర్థం కావడానికే సమావేశం ఢిల్లీలో నిర్వహించామని తెలిపారు.

దక్షిణాది రాష్ట్రాలకు చెందిన చాలా మంది నేతలు తమ ప్రాంతాల్లో ఢిల్లీకి వెళ్లి ప్రభుత్వాన్ని నిలదీస్తామని పెద్ద మాటలు చెబుతారని, కానీ ఢిల్లీకి వచ్చిన తర్వాత అక్కడి సంస్థలు, త్యాగాలను చూసి మౌనంగా ఉంటారని ఆయన అన్నారు.

ఇండియా గేట్ వద్ద సైనికుల త్యాగాలు, సెంట్రల్ హాల్‌లో రాజ్యాంగ రచన, దేశ విభజన సమయంలో జరిగిన ప్రాణనష్టం వంటి చారిత్రక వాస్తవాలను గుర్తుచేసుకోవాలని, పార్టీ సభ్యులు కూడా అర్థం చేసుకోవాలని ఆయన సూచించారు.