పర్యాటక, పంచాయతీరాజ్ శాఖలపై పవన్ కళ్యాణ్ సమీక్ష — 5 రోజుల్లో నివేదిక ఇవ్వాలని ఆదేశం

డిప్యూటీ సీఎం పవన్ కళ్యాణ్ సచివాలయంలో అటవి, పర్యాటక, పంచాయతీరాజ్, గ్రామీణ అభివృద్ధి శాఖల అధికారులతో సమీక్ష నిర్వహించారు. ఈ నాలుగు శాఖలు కలిసి ఒక కమిటీగా ఏర్పడి రాష్ట్రంలోని సందర్శనీయ ప్రాంతాలను గుర్తించాలని ఆదేశించారు. ఐదు రోజుల్లోగా సమగ్ర నివేదిక సమర్పించాలని సూచించారు.

పర్యాటక ప్రాంతాల్లో సందర్శకుల భద్రత కోసం Tourism Police విధానాన్ని cabinet లో చర్చించి నిర్ణయం తీసుకుంటామని పవన్ కళ్యాణ్ తెలిపారు. అటవి శాఖతో పర్యాటక శాఖ సమన్వయం చేసుకుంటే eco-tourism అభివృద్ధి చెందుతుందని పేర్కొన్నారు. దేవాలయాలను దర్శించే భక్తులకు కూడా భద్రత కల్పించాలని తాను కోరుకుంటున్నానని ఆయన చెప్పారు.

ప్రత్యేకతలు ఉన్న గ్రామాల్లో సరైన సదుపాయాలు లేక పర్యాటకులు ఆగిపోతున్నారని పవన్ కళ్యాణ్ అన్నారు. ఇతర రాష్ట్రాల మాదిరిగా గ్రామాల్లో home stay సదుపాయాలు కల్పించాలని, అతిథిని సరిగా చూసుకునే విధానం తీసుకురావాలని సూచించారు. కొన్ని ప్రాంతాలను pilot projects గా ఎంచుకొని పర్యాటకం అభివృద్ధి చేయాలని తెలిపారు.

కర్నూలు జిల్లా కృష్ణ జింకలకు ప్రసిద్ధమైనదని, అంతర్జాతీయ ప్రమాణాలతో దాన్ని అభివృద్ధి చేయాలని ఆదేశించారు. నల్లమల అడవుల్లో Bairluty, నెల్లూరు జిల్లాలో Flamingo పక్షుల విడిది కేంద్రాలు వంటి ప్రత్యేకతలు గుర్తించి పర్యాటకం పెంచాలని పేర్కొన్నారు. Eco-tourism ప్రాంతాల్లో route map, వసతుల వివరాలతో ప్రత్యేక app రూపొందించాలని సూచించారు.

రాష్ట్రంలో గుర్తించిన 200 దర్శనీయ ప్రాంతాలను tourism circuit గా తయారు చేయాలని, tourism package లు ఇవ్వడానికి వీలుగా సంస్థలను సిద్ధం చేయాలని ఆదేశించారు. ప్రకృతికి, వన్యప్రాణులకు హాని కలగకుండా eco-tourism అభివృద్ధి చేయాలని తెలిపారు. అటవి, పర్యాటక శాఖలు జూన్ 10వ తేదీ లోపు MoU కుదుర్చుకోవాలని అధికారులకు ఆదేశించారు.