కులం కోసం రాజకీయాల్లోకి రాలేదు: పవన్ కళ్యాణ్

జనసేన అధినేత, ఉప ముఖ్యమంత్రి పవన్ కళ్యాణ్ తాను ఎప్పుడూ కుల ప్రస్తావన తీసుకురాలేదని పేర్కొన్నారు. ఒక్క కులం కోసం రాజకీయాల్లోకి రాలేదని స్పష్టంగా చెప్పారు. తనను విమర్శించేవారు ఒక మాటపై నిలబడాలని పవన్ కళ్యాణ్ సవాల్ చేశారు.

మాజీ ముఖ్యమంత్రి జగన్మోహన్ రెడ్డి రాజమండ్రి జైలుకి వెళ్ళినప్పుడు తనకు చాలా బాధ కలిగిందని పవన్ కళ్యాణ్ అన్నారు. జగన్‌తో విభేదాలు పాలసీ పరంగా మాత్రమే ఉంటాయని, వ్యక్తిగతంగా ఎవరూ నాశనమైపోవాలని తాను కోరుకోలేదని చెప్పారు. 2018లో ఆ విభేదాలు మొదలయ్యాయని గుర్తు చేశారు.

ప్రధానమంత్రి మోదీ, కేంద్ర హోంమంత్రి అమిత్ షా వంటి నేతల దగ్గరికి వెళ్ళి మాజీ ముఖ్యమంత్రిని అరెస్టు చేయించమని కోరడం హాస్యాస్పదమని పవన్ కళ్యాణ్ వ్యాఖ్యానించారు. కోర్టులకు, సీబీఐకి, AP హైకోర్టుకు ఎవరు దోషులో తెలుసని అన్నారు. తాను వారితో మాట్లాడేది దేశ భవిష్యత్తు గురించే అని స్పష్టం చేశారు.

ఒక విశ్లేషకుడు పవన్ కళ్యాణ్‌పై వ్యాఖ్యలు చేసినప్పుడు, ఆయన్ని ఇబ్బంది పెట్టవద్దని, పొరపాటు జరిగి ఉండొచ్చని చెప్పి వదిలేయమని సంబంధిత వ్యక్తులకు చెప్పారని పవన్ కళ్యాణ్ తెలిపారు.

జనసేన పార్టీలో మహిళలకు ప్రాధాన్యత ఇవ్వాలన్న తన కోరిక గురించి పవన్ కళ్యాణ్ మాట్లాడారు. గణానగరం నుండి వడ్రంగి వీరరాజు 160 మంది సభ్యులు చేశారని, అమలాపురం నుండి ఎలక్ట్రీషియన్ చింతపల్లి సంతోష్ 200 మంది సభ్యులు, తాడేపల్లిగూడెం నుండి టాక్సీ నడిపే తుమ్మల కిషోర్ 280 మంది సభ్యులు చేశారని ప్రస్తావించారు. రాజానగరం నుండి ముక్క రాంబాబు 298 మెంబర్‌షిప్‌లు నమోదు చేశారని పేర్కొన్నారు.