పెడనలో రూ.102.80 కోట్ల మంచినీటి ప్రాజెక్టుకు ఎంపీ, ఎమ్మెల్యే శంకుస్థాపన

కృష్ణా జిల్లా పెడన పట్టణంలో తాగునీటి సమస్యకు శాశ్వత పరిష్కారంగా భారీ మంచినీటి ప్రాజెక్టుకు శంకుస్థాపన జరిగింది. ఎంపి వల్లభనేని బాలసౌరి, ఎమ్మెల్యే కాగిత కృష్ణ ప్రసాద్ కలిసి ఈ ప్రాజెక్టుకు శంకుస్థాపన చేశారు.

మొత్తం 102.80 కోట్ల రూపాయల అంచనా వ్యయంతో చేపట్టనున్న ఈ పథకం ద్వారా పట్టణంలోని 8,700 గృహాలకు కొత్త నీటి కనెక్షన్లు ఇవ్వనున్నారు. భవిష్యత్తులో 30 ఏళ్ల అవసరాలను దృష్టిలో పెట్టుకుని ఈ ప్రాజెక్టును రూపొందించారు.

అలాగే, అమృత్ 2.0 పథకం కింద బలహీన వర్గాల గృహ సముదాయాల కోసం రూ.4.28 కోట్లతో ప్రత్యేక మంచినీటి పనులు కూడా చేపట్టారు. పెడన పట్టణ ప్రజలకు నాణ్యమైన రక్షిత మంచినీరు అందించడమే ఈ చర్యల లక్ష్యమని అధికారులు తెలిపారు.