అల్లూరి జిల్లా పెదపాడు రోడ్డు నిర్మాణం నెలలోనే పాడైపోయింది

అల్లూరి సీతారామరాజు జిల్లాలోని పెదపాడు గ్రామానికి వెళ్లే రహదారి నిర్మించిన నెల రోజులకే పాడైపోయింది. గ్రామస్థులు నిర్మాణ నాణ్యత లేదని ఆవేదన వ్యక్తం చేస్తున్నారు.

ఈ రహదారి నిర్మాణానికి PMGSY (ప్రధానమంత్రి గ్రామీణ సడక్ యోజన) కింద ₹1.85 కోట్ల నిధులు మంజూరయ్యాయి. గుత్తేదారు పని ప్రారంభ తేదీగా 28-04-2025, పూర్తి తేదీగా 27-04-2026 అని బోర్డు ఏర్పాటు చేశాడు. అయితే పని ఇంకా పూర్తి కాలేదని గ్రామస్థులు చెప్తున్నారు.

గుత్తేదారు CC రోడ్ వేశామని బోర్డులో పేర్కొన్నప్పటికీ, నిజానికి CC రోడ్ ఎక్కడా నిర్మించలేదని గ్రామస్థులు తెలిపారు. వేసిన BT రోడ్ మందం PMGSY నిబంధనల ప్రకారం లేదు. రోడ్డు చాలా పల్చగా వేసినందున చిన్నపాటి వర్షానికే కొట్టుకుపోయే పరిస్థితి ఉందని చెప్తున్నారు. ఇప్పటికే చాలా చోట్ల పెచ్చులు ఊడిపడి మట్టి పైకి వచ్చింది.

ఉపముఖ్యమంత్రి పవన్ కల్యాణ్ గతంలో ఈ గ్రామాన్ని సందర్శించి రహదారి మరియు ఇతర సౌకర్యాలు ఏర్పాటు చేస్తామని హామీ ఇచ్చారు. ఆ హామీ మేరకు నిధులు కూడా విడుదలయ్యాయి. అయితే పనుల అమలులో నిబంధనలు పాటించలేదని గ్రామస్థులు చెప్తున్నారు.

ఈ విషయంపై సంబంధిత అధికారులు మరియు గుత్తేదారు స్పందన తెలియాల్సి ఉంది.