పెద్దపల్లి జిల్లాలో దళిత మహిళలకు ఎల్లమ్మ గుడిలో అడ్డంకి

పెద్దపల్లి జిల్లా పగడపల్లి గ్రామంలో బోనాల పండుగ సందర్భంగా దళిత మహిళలకు ఎల్లమ్మ ఆలయంలో ప్రవేశం నిరాకరించిన ఘటన చోటుచేసుకుంది.

దళిత మహిళలు బోనాలు ఎత్తుకొని ఆలయానికి చేరుకోగా, మరో వర్గం ఆలయం గేటుకు తాళం వేసింది. రాత్రి 11 గంటలకు బోనాలు ఎత్తుకున్న ఈ మహిళలు ఒంటిగంట నుండి తెల్లవారు 5 గంటల వరకు గేటు వద్దనే నిలబడ్డారు. SI సహా ఇద్దరు పోలీసు అధికారులు రాగా కూడా ఆ వర్గం అంగీకరించలేదని మహిళలు తెలిపారు.

ఆగ్రహించిన దళిత మహిళలు పెగడపల్లి మెయిన్ రోడ్డుపై బోనాలతో సహా ధర్నాకు దిగారు. విషయం తెలుసుకున్న పెద్దపల్లి DSP రామరెడ్డి ఘటనాస్థలికి చేరుకొని ఇరు వర్గాలతో చర్చలు జరిపారు.

DSP హామీతో దళిత మహిళలు ధర్నాను విరమించారు. రెండు వర్గాలను పిలిచి చర్చిస్తామని, సమస్య పరిష్కారమయ్యే వరకు అక్కడే ఉంటానని DSP తెలిపారు. ఈ విషయంపై నిందిత వర్గం స్పందన తెలియాల్సి ఉంది.