'పెద్ది' తొలి వారం వసూళ్లు ₹340 కోట్లు; హిందీ ఆడియన్స్ కోసం రీఎడిట్

రామ్ చరణ్ నటించిన 'పెద్ది' సినిమా తొలి వారంలో ప్రపంచవ్యాప్తంగా ₹340 కోట్లకు పైగా వసూలు చేసింది.

తెలుగు రాష్ట్రాలతో పాటు కర్ణాటక నుంచి ₹25 కోట్లు, హిందీ వెర్షన్ నుంచి ₹20 కోట్లు, ఓవర్సీస్ మార్కెట్ నుంచి ₹46 కోట్లు వచ్చాయి. నైజాం నుంచి ₹70 కోట్లు వసూలు చేసింది. ఓవర్సీస్‌లో రామ్ చరణ్‌కు ఇదే అత్యధిక వసూళ్లు.

ఈ సినిమాకు మిక్స్డ్ టాక్ వచ్చిన నేపథ్యంలో చిత్ర యూనిట్ రీఎడిట్ వెర్షన్‌ను సిద్ధం చేస్తోంది. జాన్వీ కపూర్ పై అభ్యంతరకర సన్నివేశాలను తొలగించి, జగపతి బాబు, రామ్ చరణ్‌తో కూడిన అదనపు సన్నివేశాలను చేర్చనున్నట్లు సమాచారం. ఈ వెర్షన్‌ను రీసెన్సార్ చేయించి శనివారం నుంచి అందుబాటులోకి తేవాలని యూనిట్ భావిస్తోంది.

హిందీ ప్రేక్షకులను ఆకర్షించడమే ఈ రీఎడిట్ లక్ష్యంగా ప్రచారం జరుగుతోంది.