'పెద్ది' రికార్డ్ ఓపెనింగ్స్ వైపు — AP ప్రభుత్వం టికెట్ రేట్లు పెంచింది

నటుడు రామచరణ్ నటించిన 'పెద్ది' చిత్రం జూన్ 3న ప్రీమియర్ షోలతో విడుదల కానుంది. జూన్ 4 నుంచి 10 రోజుల పాటు ఐదు షోలకు AP ప్రభుత్వం అనుమతి ఇచ్చింది.

టికెట్ రేట్ల విషయంలో కూడా మార్పులు వచ్చాయి. జూన్ 3 ప్రీమియర్ షో టికెట్ ధర GST తో కలిపి గరిష్టంగా ₹600గా నిర్ణయించారు. సింగిల్ స్క్రీన్లో ₹100, మల్టీప్లెక్స్‌లో ₹125 పెంచుకోవచ్చని ఉత్తర్వులు వెలువడ్డాయి.

ట్రేడ్ వర్గాల అంచనా ప్రకారం ఫస్ట్ డే గ్రాస్ ₹150 కోట్ల వరకు రావచ్చు. ఓవర్సీస్‌లో ఇప్పటికే $6 లక్షల డాలర్లు వసూలైంది.

సంక్రాంతి తర్వాత పెద్ద సినిమాలు రాకపోవడంతో థియేటర్లు కళావిహీనంగా మారాయని బయ్యర్లు, ఎగ్జిబిటర్లు చెప్తున్నారు. 'పెద్ది' విడుదలతో ఆ పరిస్థితి మారుతుందని పంపిణీదారులు ఆశాభావం వ్యక్తం చేస్తున్నారు.