శంకర్ విలాస్ బ్రిడ్జ్ నిర్మాణం 2027 జూలైకి పూర్తవుతుంది: కేంద్ర మంత్రి పెమ్మసాని

గుంటూరులో నిర్మాణంలో ఉన్న శంకర్ విలాస్ బ్రిడ్జ్ 2027 జూలైకి పూర్తవుతుందని కేంద్ర మంత్రి పెమ్మసాని చంద్ర శేఖర్ తెలిపారు. నిర్మాణ స్థలాన్ని ఆయన స్వయంగా పరిశీలించారు.

మొత్తం 38 foundations లో 30 పూర్తయ్యాయని, మరో రెండు పనులు జరుగుతున్నాయని పెమ్మసాని వివరించారు. రైల్వే పరిధిలో ఉన్న ఆరు foundations కు అనుమతులు ఆలస్యమవడంతో ఆ పని ఇంకా మొదలవలేదు. అనుమతులు వచ్చాయని, త్వరలో పని ప్రారంభమవుతుందని ఆయన చెప్పారు.

పశ్చిమ బెంగాల్ ఎన్నికల కారణంగా అక్కడి నుంచి వచ్చే కార్మికులు 20 రోజులు ఆలస్యంగా చేరుకున్నారు. ప్రస్తుతం సైట్‌లో 70 మంది పని చేస్తున్నారు. మరో వారంలో 30 నుంచి 40 మంది అదనంగా వస్తారని, కనీసం 100 మంది కార్మికులతో పని జరిపించే ఏర్పాటు చేస్తున్నామని మంత్రి పేర్కొన్నారు.

ఎండలు ఎక్కువగా ఉండటంతో ఉదయం, సాయంత్రం shifts లో పని చేయించే ప్రణాళిక ఉందని వివరించారు. వర్షాకాలం రాకముందే foundations పూర్తి చేస్తే పెద్ద ఇబ్బంది ఉండదని తెలిపారు.

బ్రిడ్జ్ పక్కన service roads కోసం కొంత land acquisition పని మిగిలి ఉంది. ఒకటిన్నర నెలలో ఆ ప్రక్రియ పూర్తవుతుందని అంచనా వేస్తున్నారు. ఇది బ్రిడ్జ్ నిర్మాణానికి అడ్డంకి కాదని, service roads కు మాత్రమే సంబంధించిన విషయమని మంత్రి స్పష్టం చేశారు.