పెట్రోల్, డీజిల్ ధరల పెంపుపై చరణ్ కౌశిక్ వ్యాఖ్యలు

పెట్రోల్, డీజిల్ ధరలు పెరగడంపై రాజకీయ విశ్లేషకుడు చరణ్ కౌశిక్ పలు వ్యాఖ్యలు చేశారు. భారతదేశం ప్రత్యామ్నాయ ఇంధన మార్గాలు అన్వేషించడంలో వెనుకబడిందని ఆయన అభిప్రాయపడ్డారు.

ప్రస్తుతం భారత్‌లో ఇంధనం, విద్యుత్ రంగంలో ద్రవ్యోల్బణం 24.7% గా ఉందని చరణ్ కౌశిక్ చెప్పారు. మొత్తం ద్రవ్యోల్బణం 8.2%, ఆహార రంగంలో 9.1%, తయారీ రంగంలో 4.12% గా నమోదైందని తెలిపారు.

పెట్రోల్, డీజిల్‌కు బదులు EV వాహనాలు, natural gas, జీవ ఇంధనాలు, hydrogen fuel cells వంటి ఆరు రకాల ప్రత్యామ్నాయ మార్గాలు అన్వేషించాల్సిన అవసరముందని ఆయన పేర్కొన్నారు. అలాగే metro, RTC వంటి public transport వ్యవస్థలను బలోపేతం చేయడం వల్ల fuel వినియోగం తగ్గుతుందని చెప్పారు.

కేంద్ర ప్రభుత్వం తాజా బడ్జెట్‌లో రాష్ట్రాలకు రూ.2 లక్షల కోట్ల నిధులు తగ్గించిందని ఆయన తెలిపారు. కేంద్రం స్పాన్సర్ చేసే 19 పథకాల్లో 16 పథకాలకు నిధులు తగ్గించిన పరిస్థితి వచ్చిందని అన్నారు. తెలంగాణ రాష్ట్రంపై GST స్లాబుల తగ్గింపు వల్ల రూ.3,000 కోట్ల భారం పడిందని పేర్కొన్నారు.

Petrol, diesel ని GST పరిధిలోకి తీసుకొస్తే ధరలు తగ్గుతాయని కొందరు చెప్తున్నారు. అయితే అన్ని పార్టీల ముఖ్యమంత్రులు — BJP, Congress, Left తదితర పార్టీలకు చెందినవారు — ఈ ప్రతిపాదనను వ్యతిరేకిస్తున్నారు. ధరలు తగ్గిస్తే రాష్ట్రాల ఆదాయం తగ్గుతుందన్నది వారి వాదన.

ఈ విషయంపై కేంద్ర ప్రభుత్వం స్పందన తెలియాల్సి ఉంది.