పెట్రోల్, డీజిల్ ధరలు పెరగడంపై కరీంనగర్ ప్రజల ఆందోళన

పెట్రోల్, డీజిల్ ధరలు లీటర్‌కు ₹3 చొప్పున పెరిగాయి. CNG ధరలు కూడా పెరిగాయి. కరీంనగర్ నగరంలోని ఒక పెట్రోల్ బంక్ దగ్గర ప్రజలు తమ అభిప్రాయాలు చెప్పారు.

ఆదాయం పెరగడం లేదని, కానీ ఖర్చులు పెరిగిపోతున్నాయని వినియోగదారులు అన్నారు. పెట్రోల్, డీజిల్ ధరలు పెరిగితే నిత్యవసర వస్తువుల ధరలు కూడా పెరుగుతాయని వారు పేర్కొన్నారు.

ఒక వినియోగదారుడు మాట్లాడుతూ, తిరుపతి వెళ్ళినప్పుడు ఇడ్లీ ధర ₹30 నుండి ₹50-60కి పెరిగిందని అన్నారు. గ్యాస్ ధరలు పెరగడమే దీనికి కారణమని వ్యాపారులు చెప్పారని ఆయన తెలిపారు.

ధరలు తగ్గించేందుకు లేదా ప్రజలకు సహాయం చేసేందుకు ప్రభుత్వం చర్యలు తీసుకోవాలని వినియోగదారులు కోరారు.