పెట్రోల్‌పై ₹3.14, డీజిల్‌పై ₹3.11 పెరిగిన ధరలు — ఆయిల్ కంపెనీల నిర్ణయం

2022 మే తర్వాత తొలిసారిగా భారత్‌లో పెట్రోల్, డీజిల్ ధరలు పెరిగాయి. ఆయిల్ మార్కెటింగ్ కంపెనీలు లీటర్ పెట్రోల్‌పై ₹3.14, డీజిల్‌పై ₹3.11 పెంచాయి. నేటి తెల్లవారు జామున ఆరు గంటల నుంచే కొత్త ధరలు అమల్లోకి వచ్చాయి.

హైదరాబాద్‌లో లీటర్ పెట్రోల్ ధర ₹110.85, డీజిల్ ₹98.97గా నమోదైంది.

పెట్రోలియం శాఖ మంత్రి హర్షదీప్ సింగ్ పూరి మాట్లాడుతూ, అంతర్జాతీయ మార్కెట్లో crude oil ధరలు భారీగా పెరగడంతో ఆయిల్ కంపెనీలకు రోజుకు సుమారు ₹1,000 కోట్ల నష్టం వాటిల్లుతోందని వెల్లడించారు. ధరల పెంపు అనివార్యమని రెండు రోజుల క్రితమే ఆయన సంకేతాలు ఇచ్చారు.

పశ్చిమాసియాలో యుద్ధ పరిస్థితుల కారణంగా అంతర్జాతీయ crude oil ధరలు పెరిగాయి. దీని ప్రభావం భారత్‌తో సహా అనేక దేశాలపై పడింది. భారత ప్రభుత్వం గతంలో చమురు సుంకాలు తగ్గించి ఆయిల్ కంపెనీలకు కొంత ఊరట కల్పించింది. అయినప్పటికీ నష్టాలు కొనసాగడంతో ఇప్పుడు ధరలు పెంచాల్సి వచ్చింది.

ఐదు రాష్ట్రాల అసెంబ్లీ ఎన్నికల ఫలితాల తర్వాత ధరలు పెరుగుతాయని అంచనాలు వ్యాపించాయి. ప్రధాని నరేంద్ర మోదీ తన హైదరాబాద్ పర్యటనలో ఇంధన వినియోగం తగ్గించాలని విజ్ఞప్తి చేశారు. IT ఉద్యోగులకు work from home ఇవ్వాలని, నగరాల్లో metro వినియోగించాలని ఆయన సూచించారు.