పెట్రోల్, డీజిల్ ధరలు లీటర్‌కు ₹3 పెరిగాయి — హైదరాబాద్‌లో వాహనదారుల స్పందన

దేశవ్యాప్తంగా పెట్రోల్, డీజిల్ ధరలు లీటర్‌కు ₹3 పెరిగాయి. ఈరోజు ఉదయం 5–6 గంటల నుంచి కొత్త ధరలు అమల్లోకి వచ్చాయి.

హైదరాబాద్‌లో పెట్రోల్ ధర ₹110 దాటింది. డీజిల్ ₹99కు చేరింది. పశ్చిమాసియాలో ఉద్రిక్తతలు, అంతర్జాతీయ మార్కెట్‌లో ముడి చమురు ధరలు పెరగడం వల్ల ఆయిల్ కంపెనీలు ఈ నిర్ణయం తీసుకున్నాయని చెప్తున్నారు.

హైదరాబాద్‌లోని పెట్రోల్ బంకుల వద్ద వాహనదారులు అసంతృప్తి వ్యక్తం చేశారు. రోజువారీ ప్రయాణాలు చేసేవారికి, దూర ప్రయాణాలు చేసే వారికి ఈ పెంపు భారంగా ఉందని పలువురు అన్నారు. ధరలు తగ్గించాలని, ప్రజల పరిస్థితి దృష్టిలో పెట్టుకొని నిర్ణయాలు తీసుకోవాలని వాహనదారులు కోరారు.

ధరలు తగ్గిస్తేనే సామాన్యులపై భారం తగ్గుతుందని వాహనదారులు పేర్కొన్నారు.