10 రోజుల్లో మూడోసారి పెట్రోల్, డీజిల్ ధరలు పెంపు

భారతదేశంలో ఆయిల్ కంపెనీలు మే 23న పెట్రోల్‌పై లీటర్‌కు 87 పైసలు, డీజిల్‌పై 91 పైసలు పెంచాయి. శనివారం ఉదయం నుంచి కొత్త ధరలు అమలోకి వచ్చాయి.

ఈ పెంపుతో హైదరాబాద్‌లో పెట్రోల్ ధర లీటర్‌కు ₹112.84కి, డీజిల్ ధర ₹100.94కి చేరింది.

గత 10 రోజుల్లో ఇది మూడోసారి ధరలు పెరగడం గమనార్హం. మే 15న పెట్రోల్, డీజిల్‌పై లీటర్‌కు ₹3 పెంపు జరిగింది. మే 19న మళ్ళీ సుమారు 90 పైసలు పెంచారు. ఇప్పుడు మే 23న మరోసారి పెరిగాయి.

అంతర్జాతీయ మార్కెట్‌లో Brent crude ధరలు పెరగడం, పశ్చిమాసియాలో కొనసాగుతున్న ఉద్రిక్తతలు ఇందుకు కారణమని నిపుణులు చెప్తున్నారు. భారత్ తన చమురు అవసరాల్లో పెద్ద భాగాన్ని దిగుమతులపై ఆధారపడటం వల్ల ప్రపంచ మార్కెట్ మార్పులు నేరుగా దేశీయ ధరలపై ప్రభావం చూపుతున్నాయి.

ఇంధన ధరలు పెరగడంతో రవాణా ఖర్చులు, కూరగాయలు, నిత్యావసరాలు, bus చార్జీలు, cab ధరలు కూడా పెరిగే అవకాశం ఉందని ఆర్థిక నిపుణులు హెచ్చరిస్తున్నారు.