పెట్రోల్, డీజిల్ ధరలు మళ్లీ పెరిగాయి — విజయవాడలో లీటర్ ₹118.28

దేశవ్యాప్తంగా పెట్రోల్, డీజిల్ ధరలు మరోసారి పెరిగాయి. కేంద్ర ప్రభుత్వ చమురు సంస్థలు లీటర్ పెట్రోల్‌పై ₹2.86, డీజిల్‌పై ₹2.86 పెంచాయి. పెరిగిన ధరలు ఉదయం 6 గంటల నుంచి అమలోకి వచ్చాయి.

విజయవాడలో లీటర్ పెట్రోల్ ధర ₹118.28కు చేరింది. డీజిల్ ధర ₹105.91గా ఉంది. హైదరాబాద్‌లో పెట్రోల్ లీటర్ ₹115.52, డీజిల్ ₹103.76గా నమోదైంది.

ఇది నాలుగో విడతగా ధరలు పెరగడం. ఇంతకు ముందే మూడు విడతల్లో ధరలు పెరిగాయి. ధరల పెరుగుదల వల్ల రవాణా ఖర్చులు పెరుగుతాయని, నిత్యావసర వస్తువుల ధరలపై కూడా ప్రభావం పడుతోందని వాహనదారులు పేర్కొంటున్నారు.

కొన్ని రాష్ట్రాలు VAT తగ్గించుకుంటే ధరలు కొంత తగ్గించవచ్చని కేంద్రం సూచించింది. మరో 7-10 రోజుల్లో మరిన్ని విడతల్లో ధరలు మరింత పెరిగే అవకాశం ఉందని సమాచారం వస్తోంది. అయితే ఈ విషయంపై అధికారిక ధృవీకరణ తెలియాల్సి ఉంది.