పెట్రోల్‌పై 94 పైసలు, డీజిల్‌పై 96 పైసలు పెంపు — నెలలో మూడోసారి

పెట్రోల్ ధరను లీటర్‌కు 94 పైసలు, డీజిల్ ధరను 96 పైసలు పెంచుతూ నిర్ణయం తీసుకున్నారు. ఈ కొత్త ధరలు నేటి నుంచే అమలవుతున్నాయి.

ఒక్క నెలలోనే ఇది మూడో పెంపు. మొదట ₹1 పెంచారు. వారం క్రితం 96 పైసలు పెంచారు. ఇప్పుడు మళ్ళీ 94 పైసలు పెంచారు. మొత్తం మీద ఒక్క నెలలో సుమారు ₹3 పెరిగింది.

అమెరికా-ఇరాన్ మధ్య ఉద్రిక్తతల కారణంగా అంతర్జాతీయ మార్కెట్‌లో Brent crude oil ధరలు 40% పైగా పెరిగాయి. దీని వల్ల ఇంధన కంపెనీలకు నష్టాలు పెరిగాయి. మొత్తం ₹10 పెంపుతో సుమారు 50% నష్టాలను భర్తీ చేయవచ్చని సంస్థలు అంచనా వేస్తున్నాయి.

ఒకేసారి పెంచితే ద్రవ్యోల్బణం పెరిగే ప్రమాదం ఉందని కేంద్రం దశలవారీగా పెంచాలని నిర్ణయించింది. ఈ లెక్కన భవిష్యత్తులో ధరలు మరింత పెరిగే అవకాశం ఉందని విశ్లేషకులు అంచనా వేస్తున్నారు.