మాజీ ఎమ్మెల్యే పైలట్ రోహిత్ రెడ్డికి చెక్ బౌన్స్ కేసులో దోషిగా తీర్పు; నాన్ బెయిలబుల్ వారెంట్

మాజీ ఎమ్మెల్యే పైలట్ రోహిత్ రెడ్డిపై చెక్ బౌన్స్ కేసులో కోర్టు దోషిగా తీర్పు ఇచ్చింది. ఇది ₹34.23 లక్షల చెక్కుకు సంబంధించిన కేసు.

ఆర్థిక లావాదేవీలకు ఆయన జారీ చేసిన చెక్కు బ్యాంకు ఖాతాలో సరిపడా నిధులు లేకపోవడంతో బౌన్స్ అయినట్లు కోర్టు గుర్తించింది. నెగోషియబుల్ ఇన్స్ట్రుమెంట్స్ యాక్ట్ సెక్షన్ 138 కింద రోహిత్ రెడ్డిని దోషిగా నిర్ధారించింది. ఆయన నిర్దోషి అని వాదించిన న్యాయవాదుల వాదనలను కోర్టు పూర్తిగా తిరస్కరించింది.

తీర్పు వెలువడే సమయంలో రోహిత్ రెడ్డి కోర్టుకు హాజరు కాకపోవడంతో, అతనిపై నాన్ బెయిలబుల్ వారెంట్ జారీ చేసింది. ఆయనను అదుపులోకి తీసుకోవాలని లేదా స్వయంగా హాజరు కావాలని పోలీసులను ఆదేశించింది. రోహిత్ రెడ్డి హాజరైన తర్వాత శిక్ష తీవ్రతను ఖరారు చేస్తామని కోర్టు తెలిపింది.

రోహిత్ రెడ్డిపై ఇప్పటికే ఫార్మ్ హౌస్ డ్రగ్స్ కేసు నమోదై ఉన్న విషయం తెలిసిందే.