పిఠాపురం సీతారామాంజనేయస్వామి ఆశ్రమానికి ₹40 లక్షల గ్రాంట్ విడుదల

పిఠాపురం పట్టణంలోని 10వ వార్డులో ఉన్న సీతారామాంజనేయస్వామి ఆశ్రమానికి ₹40 లక్షల గ్రాంట్ విడుదల అయింది. ఈ ఆశ్రమం ఎండోమెంట్స్ శాఖ పరిధిలో ఉంది.

ఈ ఆశ్రమం 1940లో బెండపూడికి చెందిన ఒక స్వామీజీ స్థాపించారు. మిరపకాయ వీధిలో ఆంజనేయస్వామి గుడి సమీపంలో ఉన్న ఈ ఆశ్రమం దాదాపు రెండు ఎకరాల స్థలంలో ఉంది. ప్రస్తుతం ఆశ్రమం శిథిలావస్థలో ఉందని స్థానికులు తెలిపారు.

విడుదలైన ₹40 లక్షలు ప్రహారీ నిర్మాణానికి వినియోగిస్తారని ఎండోమెంట్స్ అధికారులు తెలిపారు. పది రోజుల్లో పనులు మొదలుపెడతామని అధికారులు చెప్పారు.

ప్రతి డిసెంబర్‌లో ఆశ్రమ స్థాపకుల జన్మదిన వేడుకలు జరుగుతాయి. ఆ వేడుకలకు ఆశ్రమ ఆస్తుల ద్వారా వచ్చే ఆదాయాన్ని వినియోగిస్తున్నారు.

జనసేన పార్టీ పిఠాపురం పట్టణ ఇంచార్జ్ డాక్టర్ చిక్కాల వరలక్ష్మి ఈ ఆశ్రమాన్ని పరిశీలించారు. పిఠాపురాన్ని temple city గా అభివృద్ధి చేసే లక్ష్యంలో భాగంగా ఈ గ్రాంట్ మంజూరైందని ఆమె తెలిపారు.