G7 సదస్సులో PM మోదీ–Trump భేటీ అవుతారా? France వేదిక కానుందని చర్చ

భారత ప్రధాని నరేంద్ర మోదీ మరియు అమెరికా అధ్యక్షుడు డొనాల్డ్ Trump త్వరలో భేటీ అయ్యే అవకాశం కనిపిస్తోంది. France లో జరిగే G7 సదస్సులో ఈ ఇద్దరు నేతలు ప్రత్యేకంగా సమావేశం కానున్నట్లు దౌత్యవర్గాల్లో చర్చ జోరుగా సాగుతోంది. అయితే దీనిపై అధికారిక ధృవీకరణ ఇంకా రాలేదు.

జూన్ 17 నుండి France లో G7 సదస్సు జరగనుంది. G7 లో భారత్ సభ్య దేశం కాకపోయినా ప్రతిసారీ ప్రత్యేక ఆహ్వానం అందుకుంటూ వస్తోంది. ఈసారి France అధ్యక్షుడు మక్రాన్ ప్రధాని మోదీని ప్రత్యేకంగా ఆహ్వానించారు. దీంతో అక్కడ Trump తో ద్వైపాక్షిక చర్చలు జరపనున్నట్లు తెలుస్తోంది.

పశ్చిమాసియాలో ఉద్రిక్తతలు, చమురు సంక్షోభం, హర్మజ్ జలసంధి దిగ్బంధనం వంటి అంతర్జాతీయ పరిణామాల నేపథ్యంలో ఈ భేటీ ప్రాధాన్యం సంతరించుకుంది. ఇటీవల Trump మోదీని తన మంచి స్నేహితుడు అంటూ పొగడ్తలు కురిపించారు. మోదీ మరియు Trump చివరిసారిగా 2025 ఫిబ్రవరిలో White House లో సమావేశమయ్యారు.

ప్రపంచ రాజకీయాలపై ప్రభావం చూపే ఈ ఇద్దరు నేతలు మళ్ళీ కలిస్తే అది అంతర్జాతీయంగా భారీ చర్చకు దారితీయడం ఖాయమని విశ్లేషకులు అభిప్రాయపడుతున్నారు. ప్రస్తుతం అందరి దృష్టి France లో జరిగే G7 సదస్సు పైనే నిలిచింది.