ప్రధాని మోడీ ఫ్రాన్స్, స్లోవేకియా పర్యటనకు బయలుదేరారు; జూన్ 18 వరకు కొనసాగనుంది

ప్రధాన మంత్రి నరేంద్ర మోడీ ఈరోజు ఫ్రాన్స్, స్లోవేకియా దేశాల పర్యటనకు బయలుదేరారు. ఈ పర్యటన జూన్ 18 వరకు కొనసాగుతుంది. రక్షణ, పౌర అణు ఇంధనం, సాంకేతిక రంగాల్లో ద్వైపాక్షిక సహకారాన్ని బలోపేతం చేయడమే ఈ పర్యటన లక్ష్యం.

పర్యటనలో భాగంగా, మోడీ ఫ్రాన్స్ అధ్యక్షుడు ఇమ్మాన్యల్ మక్రోన్‌ను కలుస్తారు. వ్యూహాత్మక అంశాలపై చర్చలు జరుపుతారు. తర్వాత, స్లోవేకియా ప్రధాని రాబర్ట్ ఫికో ఆహ్వానంపై జూన్ 14 నుంచి 16 వరకు స్లోవేకియాలో పర్యటిస్తారు.

జూన్ 16-17 తేదీల్లో ఫ్రాన్స్‌లో జరిగే 52వ G7 అంతర్జాతీయ సదస్సుకు ప్రధాని హాజరవుతారు. ఈ సదస్సులో అమెరికా అధ్యక్షుడు డొనాల్డ్ ట్రంప్‌తో భేటీ అయ్యే అవకాశం ఉంది. జూన్ 18న, ఐరోపా అతిపెద్ద స్టార్టప్ టెక్నాలజీ ఈవెంట్ వివాటెక్ సమ్మిట్‌లో పాల్గొంటారు. ఆ తర్వాత పారిస్‌లోని భారతీయ సమాజాన్ని ఉద్దేశించి ప్రసంగిస్తారు.