ప్రధాని చేత భోగాపురం విమానాశ్రయం ప్రారంభం; రూ.18 వేల కోట్ల ప్రాజెక్టులకు శంకుస్థాపన

ప్రధానమంత్రి నరేంద్ర మోదీ ఈరోజు విజయనగరం జిల్లా భోగాపురంలో నూతనంగా నిర్మించిన గ్రీన్ఫీల్డ్ అంతర్జాతీయ విమానాశ్రయాన్ని ప్రారంభించనున్నారు. ఈ సందర్భంగా రూ. 18 వేల కోట్ల విలువైన అభివృద్ధి ప్రాజెక్టులకు ఆయన శంకుస్థాపన చేయనున్నారు.

విశాఖపట్టణంలోని తేనేటి పార్కు, కైలాసగిరి బీచ్ రోడ్డు ప్రాంతంలో 'ఉత్తరాంధ్ర కలల రెక్కలు' పేరుతో ఈ కార్యక్రమం జరుగుతోంది. ప్రధానికి ఘన స్వాగతం పలికేందుకు భారీ ఏర్పాట్లు చేసినట్లు అధికారులు తెలిపారు.

ఈ వేడుకల్లో డ్రోన్, లైట్ షోతో పాటు 13 వేల మంది కళాకారులు ప్రదర్శించిన ధింసా నృత్యం గిన్నిస్ ప్రపంచ రికార్డు సాధించింది. ఈ రికార్డుకు సంబంధించిన సర్టిఫికెట్ను గిన్నిస్ ప్రతినిధులు రాష్ట్ర మంత్రి సంధ్యారాణికి అందజేశారు.