PM మోదీ ఇన్‌స్టాగ్రామ్ రీల్ 30.3 కోట్ల వ్యూస్‌తో ప్రపంచ రికార్డు సృష్టించింది

ప్రధాని నరేంద్ర మోదీ తన ఇన్‌స్టాగ్రామ్ రీల్‌తో కొత్త ప్రపంచ రికార్డు సృష్టించారు. జులై 23న పోస్ట్ చేసిన సెల్ఫీ వీడియో 24 గంటల్లో 30.3 కోట్ల మంది వీక్షించడంతో, ఇన్‌స్టాగ్రామ్‌లో అత్యధిక వ్యూస్ పొందిన రీల్‌గా రికార్డు నెలకొల్పింది. మొత్తం వ్యూస్ 32.2 కోట్లకు చేరుకుని, ఇందుకు ముందున్న 30 కోట్ల వ్యూస్ రికార్డును బద్దలు కొట్టింది.

ఈ రీల్‌ను ప్రధాని రాత్రి 11:52 గంటలకు షేర్ చేయడం విశేషం. జెన్‌-జెడ్‌ అని పిలిచే యువతను ఉద్దేశించి, ఆ సమయంలోనే వారు మేల్కొని ఉంటారని భావించి ఆయన ఈ వీడియో విడుదల చేశారు. ఇటీవల యువతకు సంబంధించిన కొన్ని అంశాలపై ప్రభుత్వ చర్యలను వివరించేందుకు ఆయన ఈ సెల్ఫీ వీడియో రూపంలో సంభాషించారు. సాధారణంగా సెల్ఫీ వీడియోలు పోస్ట్ చేయని మోదీ, ఈసారి ఈ విధానంతో సోషల్ మీడియాలో కొత్త ఒరవడి సృష్టించారు.

జులై 24న కూడా మరో సెల్ఫీ వీడియో పోస్ట్ చేసి, తొలి రీల్‌కు వచ్చిన భారీ స్పందనకు అందరికీ కృతజ్ఞతలు తెలిపారు. ఈ రెండో వీడియో కూడా రాత్రి 11 గంటల సమయంలోనే షేర్ చేయడం గమనార్హం. మొత్తంగా, ప్రధాని మోదీ సోషల్ మీడియా వ్యూహంతో జెన్‌-జెడ్‌తో ప్రత్యక్షంగా టచ్‌లో ఉండే ప్రయత్నం చేస్తున్నారు.