ప్రధాని మోదీ పిలుపు: బంగారం కొనుగోళ్లు, విదేశీ పర్యటనలు తాత్కాలికంగా నియంత్రించండి; ప్రజా రవాణా, కార్పూలింగ్ ఉపయోగించండి

ప్రధాని నరేంద్ర మోదీ తాజా 'మన్‌ కీ బాత్' కార్యక్రమంలో దేశ ప్రజలకు పలు విజ్ఞప్తులు చేశారు.

పశ్చిమాసియాలో నెలకొన్న పరిస్థితులను దృష్టిలో ఉంచుకుని, ప్రజలు కొంతకాలం బంగారం కొనుగోళ్లకు దూరంగా ఉండాలని కోరారు. విదేశాలకు సెలవుల్లో వెళ్లడాన్ని కూడా తప్పించుకోవాలన్నారు. కార్పూలింగ్‌ను ప్రోత్సహించాలని, సాధ్యమైనంత వరకు ప్రజా రవాణా వాడాలని సూచించారు.

రైతులను ఉద్దేశించి మాట్లాడుతూ, రసాయన ఎరువులకు బదులు సహజ వ్యవసాయం చేపట్టాలని, సేంద్రియ ఎరువుల వాడకం పెంచాలని విజ్ఞప్తి చేశారు.

తన విజ్ఞప్తికి దేశం నలుమూలల నుంచి మద్దతు లభిస్తున్నందుకు ప్రజలకు కృతజ్ఞతలు తెలిపారు. మోదీ చేసిన ఈ విజ్ఞప్తులు ప్రధానంగా దిగుమతుల ఖర్చు తగ్గించడం, పర్యావరణ పరిరక్షణపై దృష్టి సారించాయి.