కోవూరులో 950 మందికి పాస్‌పుస్తకాలు, 50 మంది గిరిజనులకు ఇంటి స్థలాలు పంపిణీ

నెల్లూరు జిల్లా కోవూరు మండలంలో ఎమ్మెల్యే వేమిరెడ్డి ప్రశాంతి రెడ్డి ఆధ్వర్యంలో పట్టాదారు పాస్‌పుస్తకాల పంపిణీ కార్యక్రమం నిర్వహించారు. కోవూరు తహసీల్దార్ కార్యాలయం వద్ద 950 మంది లబ్ధిదారులకు పాస్‌పుస్తకాలు అందజేశారు.

అదే కార్యక్రమంలో 50 మంది గిరిజనులకు ఇంటి స్థలాల పట్టాలు, 50 మంది ఇటుక బట్టీల్లో పనిచేసే కార్మికులకు ఇంటి పట్టాలు కూడా పంపిణీ చేశారు. విపిఆర్ ఫౌండేషన్ తరఫున గిరిజనులకు నిరంతరం అండగా ఉంటామని ఎమ్మెల్యే హామీ ఇచ్చారు.

రైతు భూమికి రక్షణ, రైతు హక్కుకు భరోసా ప్రభుత్వ లక్ష్యమని, భవిష్యత్తులో కూడా పాస్‌పుస్తకాల పంపిణీ కొనసాగుతుందని ఆమె తెలిపారు.