పెట్టుబడుల నుంచి ఉపాధి.. ఎన్డీఏ ప్రభుత్వ అభివృద్ధి మంత్రం: ప్రధాని మోదీ

ప్రధాని నరేంద్ర మోదీ ఆంధ్రప్రదేశ్‌లోని ఉత్తరాంధ్ర ఇప్పుడు బలంగా మారుతోందని, విశాఖపట్నం ఆర్థిక ప్రాంతాన్ని (వీఈఆర్) పెద్ద పారిశ్రామిక కేంద్రంగా అభివృద్ధి చేస్తున్నామని అన్నారు. వీఆర్‌ను ఆసియా ప్రధాన ఆర్థిక హబ్‌గా మార్చడం తమ లక్ష్యమని, విమానాశ్రయం నుంచి సెమీకండక్టర్ యూనిట్ వరకు ఇదే లక్ష్యంలో భాగమని చెప్పారు.

ఎన్డీఏ ప్రభుత్వ మంత్రం పెట్టుబడి నుంచి ఉపాధి అని ప్రధాని వివరించారు. ప్రభుత్వం తన వంతు పెట్టుబడులు పెంచుతూనే, ప్రైవేట్ రంగాన్ని పెట్టుబడులు పెట్టేలా ప్రోత్సహిస్తోందన్నారు. పెట్టుబడులు పెరిగితే తయారీ, ఎగుమతులు, ఉపాధి, ఆదాయం క్రమంగా పెరిగి కుటుంబాల జీవితాలు మెరుగవుతాయని ఆయన తెలిపారు.

ఆంధ్రప్రదేశ్‌లో ఇప్పటికే ఈ మార్పు కనిపిస్తోందని ప్రధాని మోదీ అన్నారు. ప్రస్తుతం రాష్ట్రంలో అనేక పారిశ్రామిక ప్రాజెక్టులు ప్రారంభమవుతున్నాయి. విశాఖపట్నం ఆర్థిక ప్రాంతానికి కేంద్రం ఇస్తున్న ప్రాధాన్యతను ఈ వ్యాఖ్యలు మరోసారి నొక్కిచెప్పాయి.